Apple do të paguajë rreth gjysmë miliardi dollarë për të mbyllur padinë ku akuzohet se ka ngadalësuar modelet e vjetra të iPhone-ve për të detyruar përdoruesit të blejnë të rinjtë.

Marrëveshja e propozuar kërkon nga Apple (AAPL) që të paguajë pronarët e disa llojeve të iPhone-ve 25 dollarë për mjetin e prekur, duke e çuar në total një minimum prej 310 milionë dollarë dhe një maksimum prej 500 milionë dollarë, transmeton portali arbresh.info.

Shuma që merr secili përdorues mund të rritet ose ulet në varësi të kërkesave të paraqitura, si dhe çdo tarifë shtesë ligjore dhe shpenzime të aprovuara nga gjykata, shton dokumenti.

Marrëveshja e zgjidhjes, e cila është subjekt i aprovimit nga një gjykatës më 3 prill, kap një betejë ligjore që ka vazhduar për më shumë se dy vjet gjatë së cilës Apple u përpoq të lehtësonte një reagim global.

Kompania pranoi në dhjetor 2017 që përdori azhurnimet e softuerëve për të ngadalësuar iPhone-t të vjetër, menjëherë pasi klientët e zemëruar dhe analistët e teknologjisë alarmuan se azhurnimet po shkaktonin ulje të performancës.

Disa prej tyre sugjeruan që Apple e bëri këtë për të detyruar përdoruesit të azhurnojnë modelin më të fundit të iPhone, por kompania tha se kishte për qëllim adresimin e çështjeve me bateritë më të vjetra të litium-jonit që do të bënin që telefonat papritmas të fiken për të mbrojtur përbërësit e tyre.

Apple më vonë kërkoi falje dhe ofroi zëvendësime të baterive për klientët e saj për 79 dollarë, të cilat u rrëzuan në 29 dollarë në janar 2018.

Drejtori i Përgjithshëm i kompanisë, Tim Cook, pranoi një vit më vonë se të ardhurat për vitin 2018 u goditën pjesërisht nga “ulja e ndjeshme e çmimeve për zëvendësimet e baterive iPhone”.

Përdoruesit e iPhone në Shtetet e Bashkuara mund të paraqesin kërkesa për shlyerje nëse ata zotërojnë një pajisje iPhone 6, 6 Plus, 6S, 6S Plus, 7, 7 Plus ose SE të blerë para 21 dhjetorit 2017./arbresh.info/